मकवानपुर भीमफेदीमा बर्डफ्लु रोगको संक्रमण ।

भीमफेदी ।

२०७८/१२/१

जिल्लाको भीमफेदी गाउँपालिका वडा नंबर २ को आँपचौरमा टर्की कुखुरामा बर्डफ्लु देखिएको जिल्ला पशु सेवा कार्यालय मकवानपुरका प्रमुख डा ब्रजकिशोर ठाकुरले जानकारी दिए ।

उनका अनुसार उक्त क्षेत्रमा पालिएको कुखुरा मर्न थालेपछि ल्याब परीक्षणको लागि काठमाण्डौ पठाईएको थियो । ल्याब परीक्षण गर्दा बर्डफ्लु संक्रमण भएको पुष्टि भएको प्रमुख यादवले बताए ।

उनका अनुसार बर्डफ्लु देखिएको क्षेत्र प्रशासनको नियन्त्रणमा रहेको र उक्त स्थानमा पालिएको कुखुराहरु नष्ट गर्ने तयारी भईरहेको छ ।

पछिल्लो समय देशको विभिन्न स्थानहरुमा बर्डफ्लु रोग पुष्टि भईरहेको छ । मकवानपुरमा भने यस वर्ष पहिलो पटक बर्डफ्लु संक्रमण देखिएको हो ।