December 6, 2022

Bhimphedi Khabar

Bhimphedi Cable Network

चिसापानी बहुउद्देश्यीय खेल मैदानमा ब्यायमशाला निर्माण गर्ने योजना।

भीमफेदि

२०७९ अषाढ २४

भीमफेदी–६ स्थित बहुउद्देश्यीय खेल मैदानमा खुला व्यायामशाला स्थानिय बहुउद्देश्यीय खेल मैदान र भीमफेदी गाउँ पालिकाको वडा नं ६ कार्यालय को समन्वयमा निर्माण हुने भएको छ ।

यसै गरी आयुर्वेद तथा चिकित्सा वैकल्पिक महाशाखाको “निरोगी नेपाल निर्माण अभियान” अन्तर्गत हेटौंडाको हुप्राचौरमा खुला व्यायामशाला निर्माण गरिएको छ । खुला व्यायामशालामा १५ प्रकारका जीम सामग्री जडान गरिएको छ । उपमहानगरपालिकाले अहिले तत्काल तीन ठाउँमा खुला व्यायामशाला निर्माण गर्न सिफारिस गरेको हेटौंडा उपमहानगरपालिकाका जनस्वास्थ्य निरिक्षक भोला प्रसाद चौलागाईले जानकारी दिनुभयो । हेटौंडा–४ स्थित हुप्राचौर, हेटौंडा–१ स्थित राप्तिपुल नजिक र हेटौंडा–५ स्थित पिप्ले क्याम्पा रंगशाला नजिकै खुला व्यायामशाला निर्माण गरिने भएको छ ।

भीमफेदी व्यायामशालाका लागि बहुउद्देश्यीय खेल मैदान ले जग्गा उपलब्ध गराउने भीमआधार सामुदायिक विद्यालय प्रमुख सुरेन्द्र राज थीके ले जानकारी दिनुभयो । भीमफेदीमा निर्माण गरिने व्यायामशाला आर्थिक बर्ष ०७९/०८० निर्माण गर्ने लक्ष्य रहेको गाउँ पालिका ६ नं वडा अध्यक्ष सोम बहादुर घलान ले बताउनु भएको छ। व्यायामशाला निर्माण भएसँगै शारीरिक कसरतको लागि धेरै फाइदा हुने “अहिले नसर्ने रोगहरुको प्रकोप बढी रहेको छ । संसारमा नसर्ने रोगका कारण ६० प्रतिशत मृत्यु हुने गरेको पाइन्छ । यसलाई व्यायाम गरेर घटाउन सकिन्छ ।” उहाँले भन्नुभयो, “अहिलेका मान्छेहरुमा शारीरिक क्रियाशिलता कम भईरहेको छ । जसले गर्दा विभिन्न रोग देखा पर्न सक्छन् । रोगहरु लाग्नबाट बच्न व्यायामशाला सहयोगी बन्छ ।”

शारीरिक परिश्रम नगर्ने मानिसहरुले बिहान वा बेलुका अनुकल अनुसार व्यायमशालामा राखिए सामाग्रीहरुबाट आफ्नो शरीरलाई चलाएमान बनाउन सक्ने उहाँको भनाई छ । व्यायाम गर्दा शरीरका अङ्गहरु चलायमान हुने, फुर्तिलो र निरोगी बन्ने बताउनुभयो ।