भीमफेदी प्रहरीले लागूऔषध गाँजासहित चार जनालाई पक्राउ

भीमफेदी

२०७८/११/१६

भीमफेदी प्रहरीले लागूऔषध गाँजासहित चार जनालाई पक्राउ गरेको छ । प्रहरीले जिल्लाको भीमफेदी गाउँपालिका वडा नम्वर २ भैंसेस्थित सडकखण्डबाट लागूऔषध गाँजासहित चार जनालाई पक्राउ गरेको जिल्ला प्रहरी कार्यालय मकवानपुरले जनाएको छ ।
पक्राउ पर्नेहरुमा भीमफेदी गाउँपालिका वडा नम्वर ५ बस्ने ३२ वर्षीय सविन रिजाल, भीमफेदी–८ बस्ने २५ वर्षीय सोमसिङ घलान, ५० वर्षीय संचरसिङ घलान र ६० वर्षीया जुठी माया घलान रहेका छन् ।
उक्त सडकखण्डमा भीफेदीबाट हेटौंडातर्फ जाँदै गरेको बा ३ ००१ च ११४४ नम्बरको तरकारी बोक्ने गाडीलाई उक्त स्थानमा चेकजाँच गर्दा लुकाई ल्याएको उक्त परिमाणको गाँजा बरामद भएपछि निजहरुलाई पक्राउ गरेको हो । पक्राउ परेकामध्ये सविन रिमाल गाडी चालक हुन । पक्राउ परेका उनीहरुमाथि आवश्यक अनुसन्धान भइरहेको प्रहरीले जनाएको छ ।